بابر نے ایشیا کپ میں ہی میرے ورلڈ کپ نہ کھیلنے بارے بتادیا تھا شعیب ملک کا انکشاف

بابر نے ایشیا کپ میں ہی میرے ورلڈ کپ نہ کھیلنے بارے بتادیا تھا ، شعیب ملک کا … لاہور (ڈیلی پاکستان آن لائن) ٹی 20 ورلڈ کپ کے سکواڈ میں مڈل آرڈر کی غلطیوں اور ناقص پرفارمنس پر پاکستان کرکٹ ٹیم کی سلیکشن پر اعتراض اٹھایا جا رہا تھا کہ تجربہ کار آل راؤنڈر شعیب ملک کو ٹیم میں شامل کیوں نہیں کیا گیا،  اس دوران شعیب ملک کی جانب سے بھی اس بارے کوئی بات نہیں کی گئی تھی لیکن اب  کی جانب سے انکشاف کیا گیا ہے کہ بابر اعظم نے ایشیا کپ میں ہی مجھ پر واضح کر دیا تھا کہ میں ٹی ٹوئنٹی ورلڈ کپ اسکواڈ میں شامل نہیں ہوں گا۔  نجی ٹی وی چینل “جیو نیوز”کے مطابق شعیب ملک نے اپنے اور بابر کے تعلق سے متعلق بات کی اور بتایا کہ ہم دونوں کے تعلقات بالکل ٹھیک ہیں، “مجھے بابر نے ایشیا کپ میں یہ بولا تھا کہ ٹی ٹوئنٹی ورلڈ کپ میں جو ٹیم جائے گی وہ ایشیا کپ والی ہی جائے گی، اس کی طرف سے بات چیت ہوتی رہی، ہم دونوں کا تعلق اچھا ہے”۔  شعیب ملک نے کہا “میں ہمیشہ سے اسے اپنا چھوٹا بھائی سمجھتا ہوں، جب جب اسے ضرورت پڑی، چاہے گرومنگ ہو یا کوئی مشورہ، میں ہمیشہ سے اس کے لیے موجود ہوں اور رہوں گا، میں ایسا نہیں ہوں کہ کسی وجہ سے ٹیم میں نہیں آیا تو ناراض ہوجاؤں یا منہ بنا لوں، یا اس سے بات نہیں کروں، میں کبھی ایسا کروں گا بھی نہیں، میری دعائیں ہمیشہ اس کے ساتھ ہیں”۔ شعیب نے کہا ‘میں ہمیشہ یہ چاہوں گا وہ ترقی کرے اور اس کا نام ٹیبل کے ٹاپ پر ہو، مجھے اس سے کوئی گلہ نہیں ہے’۔ آل راؤنڈر نے یہ بھی بتایا کہ ‘میری اس سے ورلڈ کپ کے بعد اس چیز پر کوئی بات نہیں ہوئی، میں نے خود اس سے تھوڑی دوری اختیار کی تھی، کیونکہ جب ایک بندہ کپتان ہو تو اسے لیڈرشپ کرنے دینا چاہیے’۔ مزید : کھیل –
Source : https://dailypakistan.com.pk/09-Dec-2022/1518430

اپنا تبصرہ بھیجیں