باؤلرشاہین شاہ آفریدی کی ویمن کرکٹرز کو کوچنگ ٹپس 

             باؤلرشاہین شاہ آفریدی کی ویمن کرکٹرز کو کوچنگ ٹپس  لاہور (این این آئی)زلمی فاونڈیشن، امریکن قونصلیٹ جنرل لاہور اور پی سی بی کے اشتراک سے لاہور میں جونیئر گرلز کرکٹ کیمپ کا دوسرا مرحلہ مکمل ہوگیا۔ پاکستان کے سٹار فاسٹ باؤلر شاہین شاہ آفریدی نے خصوصی طور پر شرکت کی اور ویمن کرکٹرز کو کوچنگ ٹپس دیں،سٹار فاسٹ باؤلر سے ملاقات اور کوچنگ ٹپس پر ویمن کرکٹرز نے انتہائی خوشی کا اظہار کیا۔پی سی بی نیشنل ہائی پرفارمنس سینٹر لاہور میں منعقد ہونیوالے اس جونیئر گرلز کیمپ میں خیبر پختونخواہ اور لاہور سے بیس بیس جونیئر گرلز نے شرکت کی، گزشتہ ہفتے اس کیمپ کا پہلا مرحلہ لاہور میں ہی منعقد ہوا تھا۔ اس سے قبل 2017اور 2019میں جونیئر گرلز کرکٹ کیمپ کا انعقاد کیا جاچکا ہے۔ پشاور زلمی اور زلمی فاؤنڈیشن کے چیئرمین جاوید آفریدی نے کہا کہ زلمی فاونڈیشن ویمن ایمپاورمنٹ اور کھیلوں کے فروغ کیلئے کوشاں ہے۔  انہوں نے کہا کہ پی سی بی اور امریکی قونصلیٹ لاہور کے ساتھ مل کر نوجوان گرلز کرکٹرز کو ٹریننگ کا موقع فراہم کیا ۔ جاوید آفریدی نے کہا کہ وہ شاہین شاہ آفریدی کا خصوصی طورپر شکریہ ادا کرتے ہیں جو کیمپ میں آئے اور نوجوان کرکٹرز کی حوصلہ افزائی کی۔ مزید : کھیل اور کھلاڑی –
Source : https://dailypakistan.com.pk/04-Dec-2022/1516236

اپنا تبصرہ بھیجیں