‘نگران حکومت آئی تو ملک ڈیفالٹ کر جائے گا وزیر داخلہ رانا ثنا اللہ کا بیان

‘نگران حکومت آئی تو ملک ڈیفالٹ کر جائے گا، وزیر داخلہ رانا ثنا اللہ کا بیان اسلام آباد(ڈیلی پاکستان آن لائن)وزیرداخلہ رانا ثنااللہ نے کہا ہے کہ وزیراعظم اگلے 4 سے 6 ماہ میں ڈیلیور کریں گے، نگران حکومت آئی تو ملک ڈیفالٹ کر جائے گا، فوج آئندہ بھی آئینی کردارتک محدود رہے گی توغیریقینی کی صورتحال نہیں ہوگی۔ نجی ٹی وی کو دیئے گئے انٹرویو میں انہوں نے کہا کہ کہ پی ٹی آئی نے پنجاب اورخیبرپختونخوا کی اسمبلیاں تحلیل کیں توفوری انتخابات کرادیں گے۔ گورنرپنجاب وزیراعلیٰ کو اعتماد کاووٹ لینے کا کہہ سکتے ہیں۔وزیرداخلہ نے کہا کہ عمران خان اسمبلیاں توڑدیں تو ہم 60 روز میں ضمنی الیکشن کروادیں گے تاہم جب یہ اسمبلی توڑنے کیلئے بندے لائیں گے تو پورے بندے نہیں آئیں گے۔ انہوں نے کہا کہ گورنر کو یہ اختیار ہے کہ وہ وزیراعلیٰ کو اعتماد کا ووٹ لینے کا کہے، پنجاب میں عدم اعتماد لانے سے بہتر ہے وزیراعلیٰ کو اعتماد کا ووٹ لینے کا کہا جائے۔راناثنااللہ نے کہا کہ نوازشریف کی واپسی میں کوئی رکاوٹ نہیں مگر نوازشریف کو انتخابات سے بہت پہلے پاکستان نہیں آناچاہیے۔انہوں نے کہا کہ جب 16 ہزار کے بجلی کے بل آئیں گے تو کوئی حکومت سے خوش نہیں ہوگا۔ پیٹرول اور ڈالر نیچے آجاتا ہے تو اچھے طریقے سے الیکشن میں جائیں گے۔وزیرداخلہ نے کہا کہ عمران خان پرحملہ کرنے والا ایک شخص تھا، ہمارے مطابق عمران خان کو ایک گولی لگی ہے، کنٹینرکے اوپر سے 2فائر ہوئے جن میں سے ایک فائر معظم کو لگا۔ مزید : قومی –
Source : https://dailypakistan.com.pk/28-Nov-2022/1514146

اپنا تبصرہ بھیجیں