امریکہ نے نئے آرمی چیف کی تعیناتی پر بیان جاری کر دیا

امریکہ نے نئے آرمی چیف کی تعیناتی پر بیان جاری کر دیا واشنگٹن (ویب ڈیسک) امریکا کا کہنا ہے کہ نئے آرمی چیف کی تعیناتی پاکستان کا اندرونی معاملہ ہے۔ نجی ٹی وی جیو نیوز کے مطابق امریکی وزارت خارجہ نے اپنے بیان میں کہا ہے کہ 75 برس سے پاکستان اور امریکا کے تعلقات اہم رہے ہیں،خطے میں استحکام کے لیے پاکستان کے ساتھ مل کر کام کرتے رہیں گے۔امریکی وزارت خارجہ کے مطابق ٹی ٹی پی جیسے خطرات سے نمٹنا پاکستان اور امریکا کا مشترکہ مفاد ہے،انسداد دہشت گردی کے  لیے پاکستان کے ساتھ مضبوط شراکت داری چاہتے ہیں۔ امریکی وزارت خارجہ کا کہنا ہے کہ دہشت گرد گروہوں اور عسکریت پسندوں کے خلاف مؤثر کارروائی کی توقع ہے۔اس کے علاوہ علاقائی اور عالمی دہشتگردی کے خلاف تعاون اور کوششوں کی امید رکھتے ہیں۔امریکی وزارت خارجہ کے مطابق دو دہائیوں میں پاکستانی عوام دہشت گرد حملوں سے بری طرح متاثر ہوئی، ہر قسم کی دہشت گردی سے مقابلے کے لیے پاکستانی حکومت کی کوششوں کو سپورٹ کرتے ہیں۔ مزید : بین الاقوامی –
Source : https://dailypakistan.com.pk/30-Nov-2022/1514866

اپنا تبصرہ بھیجیں