جنگل میں آگ لگانے کا معاملہ، عدالت نے ٹک ٹاک سٹار ڈولی کی ضمانت کی درخواست پر فیصلہ سنا دیا

 

اسلام آباد کی مقامی عدالت نے ٹک ٹاک سٹار ڈولی کی عبوری ضمانت منظور کرتے ہوئے پولیس کو انہیں گرفتار کرنے سے روک دیاہے ۔

تفصیلات کے مطابق مارگلہ ہلز آتشزدگی کیس میں ٹک ٹاکر نوشین سعید عرف ڈولی کی 27 مئی تک عبوری ضمانت منظور کرلی گئی۔ایڈیشنل سیشن جج نے ملزمہ کو 1 لاکھ روپے کے مچلکے جمع کرانے کا حکم دیا ہے۔مارگلہ ہلز میں آتشزدگی کے بعد تھانہ کوہسار پولیس نے ملزمہ کے خلاف مقدمہ درج کیا تھا۔

واضح رہے کہ ڈولی نے اپنے سوشل میڈیا اکاؤنٹس پر نئی ویڈیو شیئر کی جس میں وہ نیشنل پارک کے علاقے میں آگ لگانے کی تردید کر رہی ہیں۔ڈولی کا ویڈیو میں کہنا تھا کہ وہ جہاں کھڑی ہوئی ہیں وہ نیشنل پارک کوہسار نہیں بلکہ موٹروے ہے، ا±ن کے آنے سے قبل ہی یہ آگ یہاں لگی ہوئی تھی۔ڈولی کے پاس کھڑے اس عام شہری کا ویڈیو میں کہنا تھا کہ اِن جھاڑیوں سے بہت بڑے بڑے سانپ نکل آتے ہیں اور ا±ن کے بچوں اور مویشیوں کو نقصان پہنچاتے ہیں۔

شہری کا کہنا تھا کہ وہ یہاں پاس ہی رہتے ہیں، یہ آگ وہ اپنے گاو¿ں کے بچوں اور مویشیوں کو سانپوں کے حملوں سے بچانے کے لیے لگاتے ہیں۔

Source


ایک تبصرہ شائع کریں

0 تبصرے